الفرق بين الCV وال Resume وال Portfolio

ايه الفرق بين الـ Resume و CV و Portfolio؟؟

هما تقريبا ليهم نفس المعني ( سيرة ذاتية ) ، لكن في شويه اختلافات بينهم في طريقة الكتابة .. تعالوا نشوف ايه الفرق بينهم

Resume : كلمة فرنسية تعني ملخص . و من معناها فهو بيكون ملخص تفاصيل كل مهارات ، كفاءات ، انجازات ، التاريخ الوظيفي والتعليمي و البيانات الشخصية ليك وبيركز ال resume على مهارات معينة ليك تكون ماشيه مع الوظيفة العاوز تقدم فيها

ال resume مقارنة بالCV بيكون أصغر عشان بيعتمد بس على الكفاءات المتعلقة بالوظيفة يعني من الاخر بيكون متفصل عشان وظيفه معينه

وبيكون من صفحه لصفحه ونص

الCV : كلمة لاتينية تعني دورة الحياة .يعني ارغي واحكي شريط حياتك يا كبير

الCV بيبقي مفصل اكتر عن ال resume

و ممكن تتكلم فيه عن مهارات عندك وخبرات مش متعلقه بالوظيفه المقدم عاليها . و بيكون صفحتين أو 3 صفحات .

يعني لما ابعت السيره الذاتية بتاعتي في ميل وتكون حاجه مختصره ع قد الوظيفة اكتب resume مش CV 

Portfolio : بيستخدمه  والfreelancer ، والprogrammar ومصممي الأزياء ، ومصممي الديكورات و المصورين

يعني الناس الديما بتحتاج توثق شغلها

وده نوع ملوش عدد محدد من الصفحات عشان بيبقي فيه معلومات كتير

زي عينات العمل ، تصاميم ، كفاءات و انجازات الشخص

والنوع ده بيبقي اكتر دقه مقارنة بالـ CV , Resume بالنسبه للفنانين

عشان بيبقي فيه شغلهم الممكن يتحكم عاليهم منه .